कमजोर पारिवारिक आर्थिक अवस्था तथा अभिभावकहरुको मदिरा सेवन गर्ने बानीका कारण दुल्लु नगरपालिका वडानं. ०१ तल्लो डुङ्गेश्वर दैलेख बादी बस्तीका भोजन बादी, सुरेश बादी, नबिन बादी, महेन्द्र बादी, बिशाल बादी र टिकाराम बादीहरुले सडक जिबन बिताई रहेका थिए । उनीहरुका अभिभावकहरु अधिकांश समय भारतमा रोजगारीको लागि बस्ने गर्दथे । अभिभावक भएर पनि अभिभावक बिहिन भएका यि ६ जना बालकहरु अधिकांश समय सडकमा बिताउने, लागु औषध सेबन गर्ने तथा सडकमा मागेर खाने गर्दथे । २०७६ सालमा उनीहरुलाई सुर्खेत जिल्लामा रहेको बाल सुधार गृहमा राखिएको थियो । बाल सुधार गृहको कमजोर ब्यवस्थापनका कारण यि बालकहरु १ महिना पनि नबसी त्यहांबाट भागी सुर्खेत, काठमाण्डौं, दैलेख लगायतका बजारहरुमा पुनह सडक जिबन बिताउन लागे ।

यसै क्रममा २०७७ सालमा यि ६ जना बालकहरुलाई अभियन्ता हिक्मत बहादुर बादीले साबिक हिक्मत होस्टेलमा    (हाल बादी सरोकार मंच नेपाल) ल्याई उनीहरुलाई संरक्षण गर्नुका साथै सुर्खेतमा रहेका बिभिन्न निजी बिद्यालयहरुमा भर्ना गरी शिक्षा प्रदान गराईरहेका छन् । यसका अतिरिक्त उनीहरुले संरक्षण, शिक्षा, स्वास्थ्य सेवाहरु निशुल्क रुपमा प्राप्त गरिरहेका छन् । उनीहरु भन्छन, बादी सरोकार मंच नेपालद्धारा संचालित बाल सरक्षण केन्द्र (छात्रबास) मा बस्ने अवसर प्राप्त भएका कारण हाम्रो बिगतको अन्धकारमय जिबन हाल सकारात्क रुपमा फेरीएको छ । अब हामी धेरै पढेर योग्य नागरिक बन्ने छौं भन्ने आशा राखि अगाडी पढि रहेका छौं ।