आवाज विहिन नागरिकका लागि आवाज
बादी युवाको सशक्तिकरण गरौं, समृद्ध भविष्य निर्माण गरौं
बादी सरोकार मञ्च नेपाल (अंग्रेजीमा संक्षिप्त रुप बिएसएमएन) कर्णाली, लुम्बिनी र सुदुरपश्चिम प्रदेशमा बहिष्करणमा परेका, पिछडिएका र समस्यामा परेका समुदायको सशक्तिकरण गर्न र ती समुदायलाई राज्यको मूलप्रवाहमा ल्याउन प्रतिवद्ध संस्था हो । बादी, दलित र बहिष्करणमा परेका अन्य समुदायभित्र मानवअधिकारको संरक्षण र प्रवद्र्धन गर्नुका साथै सबै प्रकारका विभेद र अधिकार हननका घटना उन्मुलनका लागि पैरवी गर्न संस्था प्रतिवद्ध छ । सन् २०२१ मा स्थापित भई समाज कल्याण परिषद्मा आवद्ध यस संस्था बादी समुदायका सक्षम र उत्कृष्ट व्यक्तिको प्रतिनिधित्वसहित गठित कार्यकारिणी समितिमार्फत् सञ्चालन हुन्छ ।
बादी समुदायका बालबालिकासहित सबै बालबालिकाले गुणस्तरिय शिक्षाको अधिकार पाउनुपर्छ भन्ने हाम्रो मान्यता छ । बादी समुदायका बालबालिकालाई बहिष्करणको दुस्चक्र तोड्न र समृद्ध भविष्य बनाउन शिक्षा एउटा माध्यम हो । शिक्षा उनीहरुका लागि आधारभूत मानवअधिकारका साथै व्यक्तिगत वृत्ति, सशक्तिकरण र समाजमा उनीहरुको समायोजनका लागि महत्वपूर्ण छ । शिक्षासम्वन्धि हाम्रा पहलहरुले बादी बालबालिकालाई सुरक्षित र भरपर्दो वातावरण तथा विभेद र लैङ्गिक पूर्वाग्रहबाट मुक्त वातावरणमा सिकाइका लागि समान पहुँच दिलाउने सुनिश्चित गर्दछन् ।
बादी सरोकार मञ्च नेपाल खासगरी बादी समुदाय जस्ता बहिष्करणमा परेका समुदायका बालबालिकासहित देशभरका बालबालिकाको संरक्षण र सु–स्वास्थ्यको अधिकारका लागि प्रतिवद्ध छ । बाल संरक्षणसम्वन्धि हाम्रा कार्यक्रमहरुले बाल श्रम, बेचविखन, दुव्र्यवहार र विभेद जस्ता संवेदनशील मुद्धालाई सम्वोधन गर्नुका साथै हरेक बालबालिकाले सुरक्षित, स्वस्थ र सशक्त भएर हुर्किन पाउने वातावरण निर्माणका लागि योगदान गर्नेछन् ।
संस्थाले बादी समुदायका युवाहरुलाई नेतृत्वका विकास र व्यवसायिक तालिम सँगसँगै आत्मनिर्भरता र व्यक्तिगत वृत्तिका लागि मद्धत गर्दछ । साथै, जिल्ला र समुदाय तहका संरचना परिचालन गरी युवाहरुको सीप विकास र क्षमता अभिवृद्धि गर्दै उनीहरुको सशक्तिकरणमा काम गर्दछ, जसबाट आफ्नो समुदायमा अर्थपूर्ण योगदान गर्न उनीहरुलाई सामाजिक र आर्थिक बहिष्करणबाट मुक्त गर्न सकिन्छ ।
बादी सरोकार मञ्च नेपाल विशेष गरी बादी समुदायमा केन्द्रित रही यौन स्वास्थ्य अधिकारको सुरक्षण र लैङ्गिक हिंसा अन्त्यका लागि प्रतिवद्ध छ । हामी यौन शोषण र दुव्र्यवहार रोकथामका लागि महिला तथा अन्य बहिष्करणमा परेका व्यक्तिको अधिकार बहाली हुने सुरक्षित वातावरण निर्माण गर्न काम गर्छौ ।
प्रारम्भिक बाल विकास बादी सरोकार मञ्चको एकीकृत सामुदायिक विकास कार्यक्रमको एक मुख्य अंग हो । स्वास्थ्य, पोषण र सरसफाइमा केन्द्रित हुँदै हामी बादी समुदायसहित समस्यामा रहेका समुदायका साना बालबालिकाको सुस्वास्थ्यका लागि प्रतिवद्ध छौं । प्रारम्भिक बाल विकासमा हाम्रो समग्र अवधारणाले बालबालिकाको भविष्यका लागि बलियो आधारशिला सुनिश्चित गर्नेछ ।
बादी सरोकार मञ्च बादीसहित बहिष्करणमा परेका समुदायलाई अत्यावश्यक सीप र तालिम प्रदान गरी उनीहरुको सशक्तिकरणका लागि क्रियाशील छ । यिनै पहलले आम्दानी, सम्पत्तिको सुरक्षा र दैनिक आवश्यकता पुरा गर्न उनीहरुको क्षमतालाई अभिवृद्धि गर्न सक्छ, जून बिषयहरु खाद्य सुरक्षा प्राप्ति र भौतिक आवश्यकतामा सुधारका लागि निकै महत्वपूर्ण छन् । यी पहलबाट व्यक्ति र समुदाय दीगो आर्थिक स्थायित्व र सामाजिक उपलव्धि हासिल गर्न सक्षम हुन सक्छन् भन्ने हाम्रो बुझाइ हो ।
“अवसर पाएमा हामी पनि राम्रो काम गर्न सक्छौं”पृष्ठभूमि: आज भन्दा १७ बर्ष अगाडी दुल्लु नगरपालिका वडा नं. १ तल्लो डडुङ्गेश्वर, दैलेखको बादी बस्तीमा आमा फिनी बादी र बुवा गोबिन्द बादी (हाल मृत्यु) को दोश्रो सन्तान तथा जेठो छोरीको रुपमा पुजा बादीको जन्म हुन्छ । ..
कमजोर पारिवारिक आर्थिक अवस्था तथा अभिभावकहरुको मदिरा सेवन गर्ने बानीका कारण दुल्लु नगरपालिका वडानं. ०१ तल्लो डुङ्गेश्वर दैलेख बादी बस्तीका भोजन बादी, सुरेश बादी, नबिन बादी, महेन्द्र बादी, बिशाल बादी र टिकाराम बादीहरुले सडक जिबन बिताई रहेका थिए । उनीहरुका अभिभावकहरु अधिकांश समय भारतमा रोजगारीको लागि बस्ने गर्दथे । अभिभावक भएर पनि अभिभावक बिहिन भएका यि ६ जना बालकहरु अधिकांश
बादी सरोकार मञ्चका अध्यक्ष हिम्मतबहादुर बादीले काठमाडौंको इन्सीच्युट अफ सोसल वेलफेयरको तर्फबाट सन् २०२२ मा नेशनल सोसल वेलफेयर अवार्ड प्राप्त गर्नुभएको छ । उहाँ कर्णाली प्रदेशको सामाजिक विकास मन्त्रालय मातहत गठित बालिका तथा समावेशी शिक्षा सञ्जालको कार्यकारी सदस्य हुनुभएको छ । अध्यक्ष बादी कर्णाली प्रदेशमा ४० बर्ष मुनिका परिचित युवा सामाजिक अभियन्ता हुनुभएको थियो ।
बढी सरोकार मञ्च नेपाल (BSMN) मा स्वागत छ, जो कर्णाली प्रदेशको मुटुमा आशा र परिवर्तनको एक दियो हो।