बादी सरोकार मञ्च नेपाल अझै पनि विद्यमान परम्परागत विकास रणनीति र अवधारणालाई बदलेर परिवर्तनकारी कदमका लागि पैरवी गर्न एकैखाले सोच राख्ने व्यक्ति र समूूहको एउटा साझा मञ्च हो । बादी सरोकार मञ्चले नागरिक केन्द्रित विकासका लागि अधिकारमा आधारित अवधारणाको प्रवद्र्धन गरेको छ भने गरिवी निवारण र सामाजिक विकासका लागि उपयुुक्त विधि र मापदण्डमार्फत् सामाजिक, साँस्कृतिक, राजनीतिक र आर्थिक अधिकार प्राप्तिका लागि वकालत गरेको छ । त्यस्तै, गरिवीको संरचनागत मूूल कारक पक्षलाई बढावा दिने शक्ति सम्वन्धमा रुपान्तरणका लागि पैरवी गरेको छ । संस्थाले विभिन्न प्रदेशमा बहिष्करणमा परेका जातिय र वर्गीय समूूहसँग मिलेर उनीहरुको सशक्तिकरण र गुणस्तरिय जीवनमा रुपान्तरणका लागि काम गर्दछ । त्यसका लागि गरिवी निवारणलाई लोकतान्त्रिक शासन प्रणाली र अधिकारमा आधारित सहभागीतासँग जोड्ने तथा विश्वव्यापी सहायताको परिदृश्यमा विकासका एजेन्डालाई विशेष ध्यान दिने नीति संस्थाले अवलम्वन गरेको छ । 

बादी सरोकार मञ्च नेपाल बहिष्कृत र विपन्न व्यक्तिका लागि एउटा आवाज हो । यो संस्था बहिष्कृत, विपन्न र वेवास्ता गरिएका समुुदायका लागि उनीहरुसँगै काम गर्नुुपर्छ भन्ने विश्वास राख्दछ । यो एउटा परोपकारी कार्य मात्र नभई सामाजिक परिवर्तन ल्याउने माध्यम पनि हो । बादी सरोकार मञ्च नेपाल अधिकारको संरक्षण र प्रवद्र्धन, सबै प्रकारका हिंसा र विभेदको उन्मुुलन तथा सचेतना, पैरवी र अभियानमार्फत् सार्वजनिक स्रोत साधन र सेवामा नागरिकको पहुुँच वृद्धिका लागि वकालत गर्दछ भने सामाजिक रुपान्तरणका साथसाथै विकाससम्वन्धि कार्यका लागि मद्धत गर्दछ । संस्थाले समायोजन, शिक्षा, स्वास्थ्य, आर्थिक उत्थान, सशक्तिकरण र समावेशीकरणको क्षेत्रमा आम नागरिकसँग प्रत्यक्ष सहकार्य र समन्वय गर्दछ । विपन्न र पिछडिएका समुुदायका लागि उनीहरुसँगै काम गर्ने र उनीहरुबाटै परिवर्तनको प्रयास गर्ने संस्थाको मान्यतालाई व्यवहारमा उतार्न कुनै पनि सार्वजनिक सरोकारको मुुद्धामा उनीहरुको सहभागिताको अधिकार प्रवद्र्धन र सुुनिश्चितताका लागि प्राथमिकता दिइन्छ । बादी सरोकार मञ्च नेपाल बहिष्करणमा परेका र पिछडिएका समुदायमा विद्यमान कुनै पनि सामाजिक राजनीतिक विभेद, शोषण र चरम गरिवीविरुद्ध लड्न प्रतिवद्ध छ ।

यो संस्था बादी समुुदायका ५ जना प्रतिनिधि सहभागी भएको कार्यकारिणी समितिको निर्देशन मुुताविक सञ्चालन हुुन्छ । संस्था काठमाडौंस्थित कम्पनी रजिस्टार कार्यालय (दर्ताः२७३०८५) मा दर्ता छ र समाज कल्याण परिषद्मा (दर्ताः५३९६०) आवद्ध छ । संस्था मुुख्य रुपमा नेपालको कर्णाली प्रदेशमा केन्द्रित छ भने यसको मुुख्य कार्यालय सुुर्खेतको वीरेन्द्रनगरमा अवस्थित छ ।