सन् २०२१ को फेब्रुअरी २१ देखि मार्च १० सम्म कर्णाली प्रदेशका बादी समुदायका सदस्यहरुले कृषिका लागि भूमि, रोजगारी अवसर तथा अन्य विद्यमान समस्या समाधानको माग गर्दै मुख्यमन्त्री र प्रदेश मन्त्रीपरिषद् कार्यालय अगाडी १६ दिनसम्म प्रदर्शन गरेका थिए । सोही प्रदर्शनपछि कर्णाली प्रदेश सरकारले बादी सरोकार मञ्च नेपालका प्रतिनिधिसँग संयुक्त बैठक गरेपछि बादी संघर्ष समिति र प्रदेश सरकारबीच ५ वूँदे सम्झौता भएको थियो । सम्झौतापश्चात् प्रदर्शन रोकिएको थियो ।