“अवसर पाएमा हामी पनि राम्रो काम गर्न सक्छौं”
पृष्ठभूमि
आज भन्दा १७ बर्ष अगाडी दुल्लु नगरपालिका वडा नं. १ तल्लो डडुङ्गेश्वर, दैलेखको बादी बस्तीमा आमा फिनी बादी र बुवा गोबिन्द बादी (हाल मृत्यु) को दोश्रो सन्तान तथा जेठो छोरीको रुपमा पुजा बादीको जन्म हुन्छ ।
पारिवारिक अवस्था
सामान्यतया बादी समुदायका ९५ प्रतिशत परिवारहरु गरीबीको रेखामुनि रहेका छन् । पुजा बादीको परिवारिक अवस्था पनि निकै कमजोर रहेको छ । बिगतमा परिवारको पालनपोषणका लागि पुजाका आमा बुवाले भारतमा ज्यालामजदुरीको काम गर्दथे । पुजा सानै छदा पुजाका बुवाको भारतमा मुत्यु हुन्छ । पुजाको परिवारको घर खोलाको किनारमा भएका कारण उनीहरुको घर खोलाले बगाएको थियो । घर खोलाले बगाए पछि उनीहरु सोही गांउका आफन्तको घरमा आश्रय लिई बसेका थिए । घरको कमजोर आर्थिक अवस्था तथा श्रीमानको मृत्युका कारण पुजाको आमालाई बालबच्चाको पालन पोषण र घर ब्यवहार चलाउन निकै गाह्रो भएको थियो ।
अशिक्षित तथा बादी समुदायको भएको कारण पुजाको आमालाई काम पाउन निकै मुस्किल परेकाले पुजाको आमाले परिवारको उचित पालनपोषणका लागि आफ्ना साना कलिला छोरा छोरीलाई आफन्तको जिम्मा लगाई कामको लागि पुनह भारत गईन र हाल पनि उनी भारतमै ज्याला मजदुरी गरिरहेकी छिन् ।
पहिलेको अवस्था
आमा कामको सिलसिलामा भारत गएपछि पुजा लगायत उनका दाजु बहिनीहरुले निकै दुखकष्ट भोग्नु पर्यो । उनीहरुलाई बिहान साझ खानको समस्या हुल लाग्यो । यसै क्रममा सामाजिक अभियन्ता हिक्मत बहादुर बादीले ३ बर्षको पुजा र ५ बर्षका उनका दाजु सागर बादीलाई आफुसंगै आफ्नो घरमा ल्याई ३ बर्ष सम्म पालन पोषण गरे ।
पुजाले राम्रो शिक्षा पावस भनेर हिक्मत बादीले उनलाई काठमाण्डौंमा बस्ने खाने र शिक्षाको ब्यबस्था समेत गरिदिए र पुजाका दाजुलाई आफुसंगै राखी सुर्खेतमा शिक्षाको प्रबन्ध गरिदिए । पुजाले काठमाण्डौंमा कक्षा ६ सम्म पढिन । त्यसपछि २०७३ सालमा हिक्मत होस्टेल खोली पुजा र उनका दाजु लगायत बादी समुदायका अन्य असाहय अनाथ बालबालिकाहरुलाई बस्ने, खाने र शिक्षाको प्रदान गर्दै आएका छन् । २०७९ सालमा पुजाले S.L.C पास गरिन ।
बर्तमान अवस्था
S.L.C पास भएपछि हिक्मत बादीले पुजालाई सुर्खेतकै योगी नरहरी नाथ क्याम्पसमा Health Assistant (H.A) पढ्नका लागि भर्ना गरिदिएका छन् । पुजा बादी उक्त क्याम्पसमा दोश्रो बर्षमा अध्ययनरत छिन् । उनका दाजु सागर बादी पनि २० बर्षका भएका छन् र उनले पनि आफ्नो निजी अटो रिक्सा किनेर राम्रैसंग जिबनयापन गरिरहेका छन् ।
भाबी योजना
१७ बर्षकी पुजा बादी बादी सरोकार मंच नेपालद्धारा सुर्खेतमा संचालित बाल संरक्षण केन्द्र (होस्टेल) मा उनी खुशाीका बसी रहेकी छिन । Health Assistant (H.A) को पढाई पुरा भएपछि थप अध्ययनको लागि बिदेश पढ्न जाने योजना बनाएकी पुजा बादी बिदेशबाट दक्ष स्वास्थ्यकर्मी बनी नेपाल आई बादी सोकार मंच नेपालसंग आबद्ध भई यहाका असाहय, अनाथहरुको सेवामा लाग्ने अठोट गरेकी छिन । उनी भन्छीन, मलाई यहा सम्म आउन सहयोग गर्ने बादी सोकार मंच नेपाल, सामाजिक अभियन्ता हिक्मत दाजु र उनका परिवारलाई हृदय देखि धन्यबाद दिन चाहन्छु । उनी थप भन्छीन, अवसर पाएमा हामी पनि अन्य सरह प्रगति गर्न सक्छौं, बादी समुदायलाई दया होईन अवसर प्रदान गर्न जरुरी छ ।
